林慧倩貌似祖兒有着數
林慧倩（Giselle）有「翻版容祖兒」之稱，於澳洲留學回港後得到母親的鼓勵，參加2011香港小姐競選，雖然落敗卻沒有不開心，皆因她是個樂天派，從小是個名副其實的「開心果」，她說：「我好細個就表演欲好強，成日逼爹哋媽咪坐定定睇我表演！其實，參選港姐唔係為咗名利，只當作人生一個經驗，當中過程會學識好多。」
被指貌似容祖兒，她笑稱或許是件好事，起碼容易給外間留下印象，現在由模特兒撈過界做主持與演電影，每個機會都會很珍惜與把握，她笑說：「我又唔係高到5呎10吋，如果做全職model未夠班行上天橋，自問口才都OK，做主持又可以滿足表演欲，why not？」她表示愛接受挑戰：「想嘗試新挑戰，我唔怕辛苦，試到唔同嘅嘢令人生更豐富。我唔會一步登天，會逐步行出美滿人生路，過程未必順順利利，但人生總有挫折，從中會學識成長，令我學得更多、看得更清！」
Profile
中文名：林慧倩
英文名：Giselle
身高：5呎7吋
三圍：34、24、36
體重：127磅
演出經驗：客串電影包括《寒戰》、《男人如衣服》、《竊聽風雲2》等。