滕麗名造人預告呷個女醋

滕麗名（阿滕）近日春風滿臉，承認拍拖兩年的男友Matthew已向她求婚，更有指二人趕年尾結婚，據阿滕身邊的好友透露，Matthew求婚時都相當浪漫，令阿滕感動落淚。之前二人到土耳其滑雪，當登上山頂時，Matthew突然拿出鑽戒向她求婚。而阿滕日前接受本報專訪，甜絲絲表示對男友求婚過程相當滿意，她打趣說：「土耳其嗰度都好偏僻，而且治安唔係咁好，帶隻戒指去到咁遠，真係有啲危險。」再追問她何時結婚，她故作神秘謂：「結咗婚一定會通知大家，一切都由佢安排，佢秘密到連我都唔講，所以到依家我乜都冇預備。」

鍾意小朋友

而於播映的新劇《熟男有惑》中，阿滕會飾演曹永廉的太太，劇中有兩個兒子，阿滕大讚他們可愛，問現實生活中的她喜不喜歡小朋友？她坦言：「我鍾意o架！（婚後會否生BB？）都諗過吓，我鍾意生女，成日諗如果個女同我一樣樣，都幾得意，不過我都有啲驚，驚自己會變怪獸家長，寵壞佢，又驚我會呷個女醋。（咁ready好未？）梗係未。」

滕麗名與Matthew拍拖兩年，不時一起逛超市，充滿閒情。	滕麗名與男友在雪山上海誓山盟。	放大圖片

阿滕又指男友亦喜歡小朋友，問有否討論過生小朋友問題時，她笑謂：「冇喎！佢好忙，我哋又太多話題，就係冇講呢啲。」

熱愛人民幣

現時阿滕與無綫簽的是部頭合約，一年拍攝一劇，之前也曾北上拍劇，不過她嫌天氣熱太辛苦，故會「選擇性」接拍，她笑言：「冬天拍嘅話，乜劇都無任歡迎，我都好喜歡人民幣。」據知，阿滕之後都會拍攝無綫的賀歲劇。

文、攝：影視組

髮型：Chris@IL Colpo

服裝：2068