嘉玲回味浪漫探戈

劉嘉玲昨晚着上Giambattista Valli淡色刺繡連身裙出席Dior全力支持的「香港芭蕾舞籌款晚會」，同場還有廖碧兒、薛芷倫及前妯娌錢慧儀等。嘉玲透露學跳芭舞是每個女子的夢想，但她在大陸出世，沒有這條件，自言有舞蹈底子，將拍攝的電影角色亦要跳探戈，她說：「跳探戈同芭蕾好唔同，芭蕾舞感覺較古典。（對你有冇難度？）冇話handle唔到，只要有心機就得，偉仔識跳，仲跳得好專業，佢喺《春光乍洩》同張國榮跳過，佢跳得好好。」

被問到有否與偉仔跳過，她即憶起浪漫往事說：「拍拖都有一齊跳，依家年輕人冇咁浪漫，佢哋嘅浪漫係着causal wear、去唱卡拉OK，我哋以前會去夜總會，去跳舞。」

偉仔	廖碧兒恭喜舊愛陳豪將做老竇。	曾傳不和的薛芷倫與前妯娌錢慧儀兩人同場出現，緣慳一面。

無意找代母生B

嘉玲表示若將來有女兒，一定會要她學芭蕾舞、樂器，陶冶性情增加品味。嘉玲生B問題一直備受關注，被問會否代母生B，她再強調不會：「我幾多歲，要生自己生，哈哈哈。（傳統思想唔接受？）唔係，我哋係好開放，有冇BB都開心，依家科技要做到都可以做。（接受人工受孕？）冇，我兩個唔一定需要有，依家我哋好開心，其實我冇咁多耐性湊小朋友，我好享受兩人世界，亦享受一人獨處，一人獨處畀自己無限想像空間，我依家學習緊，係內心嘅交流。」

廖碧兒避談陳豪

主力在大陸拍戲的廖碧兒，透露三歲已開始學芭蕾舞，今次為晚宴專程回港，問到前男友陳豪現任女友陳茵媺在加拿大養胎，她謂不知情，與對方分手後已沒有聯絡。問到兩人再見不是朋友？她即小小黑面：「係同事，大家工作上都會有機會撞到。」而陳豪將結婚及爸爸，她說：「佢都冇直接回應，自己亦冇睇報道，如果真就恭喜。（你自己唔心急？）冇話心急，隨緣，努力工作，我都想有自己嘅家庭，但冇得強求。」

文：名人組