孫佳君風騷買餅甜到漏

39歲的孫佳君，樣貌和打扮愈來愈青春，雖是兩子之母，但狀態不減當年！儘管在情路跌跌碰碰，但自稱「Single Mother」的她，昨日被《好報》獨家踢爆與大隻嫩男情陷夜中環，二人當晚愈夜愈狂野，孫佳君不但晒萌穿花花熱褲，大玩黑Bra誘惑，還主動壓胸翹手，期間不經意春情「撥髮」，捉實手臂一刻，對方更當堂硬軚，兩人又到暗巷享受二人世界，孫佳君最後僅以一粒鐘速食嫩男，凱旋而歸。

露腿賣萌

據知為保愛苗，孫佳君低調處理這段感情，報道昨日出街後，似乎未有影響她的心情，如常去街濕平。昨午1時，由司機接載下，其七人座駕從南區山頂嘉樂園出發，直駛金鐘方向，前往一家五星級酒店。現場所見，架上墨鏡的孫佳君如沐春風，穿上黑色性感背心，襯多條粉紅色短裙仔，露出白滑長腿，繼續賣萌！期間在酒店內見她走入一家餅店，狂掃甜蜜蜜西餅和朱古力。

放大圖片	孫佳君不經意捉實男方手臂，可見關係非淺。	放大圖片

食飯洗塵

當她發現記者時，大方讓記者拍照，問到是否拍拖？孫佳君為保持低調，只說：「唔係啦！佢唔係我男朋友，都冇拍拖！」問到有沒有機會發展？她更煞有介事說：「只係普通朋友，佢唔係住喺香港，佢外國住。」可是她說時露出絲絲甜笑，似是沐浴愛河中。為免愈講愈亂，孫佳君也不願回應太多，問是否買西餅給小朋友？她只說：「唔係呀，冇乜特別！」繼而上車向香港仔方向絕塵而去。

有拖拍的孫佳君非常風騷，開心到跌帶都不知道。

孫佳君被《好報》踢爆食快餐。

事後本報致電孫佳君，她解釋當晚只是為朋友洗塵，並強調該「嫩男」年齡大過自己：「嗰晚我哋只係食飯，佢係我識咗20幾年朋友，佢返嚟香港，咪一盡地主之誼囉，其實佢大過我o架。」

文：專案組　

攝：追蹤組