周麗淇急搵男友 未婚生B

藝人周麗淇（Niki）昨日出席《Just Gold鎮金店大中華區代言人簽約記者會》，Just Gold鎮金店主席及行政總裁鄧鉅明博士及太太鄧宣宏雁、林建康太太黃寧艷、李桂蘭等一眾名媛亦到場支持。Niki除了擔任模特兒行騷外，更與魔術師甄澤權一同表演魔術。

自爆有人追

身穿黑色jumpsuit的Niki，除了露背，更力谷事業線，她笑言：「我身材一向都冇變，都係咁。（酬勞高所以性感？）係開心價，同埋呢個廣告主打大中華市場，係我同公司嘅目標。」向來事業心重的她，竟表示要把工作放輕一點，並揚言希望快覓得真命天子：「以前太奄尖，唔想畀機會人，依家畀多啲機會人哋。（有人追？）有啲人追，有約會，我都幾享受單身畀人追。但我都開始有啲壓力，希望呢幾年會有眉目。」她又自爆喜歡小朋友，更不介意先生仔後結婚，問到會否要仔不要老公？她即笑言：「唔得，我要一個完整嘅家庭，唔可以借種。」

透露今次酬勞為開心價的周麗淇，性感露背上陣。

鄧鉅明伉儷出席簽約儀式。

咀戲谷收視

而提到新劇《好心作怪》錄得24點收視，她坦言非常高興，續說：「今次我同黃宗澤好多咀戲，同三哥（苗僑偉）都有，係拍過嘅電視劇裏面最多，仲拍咗啲激情戲，唔知會唔會cut。其實原本收到劇本個陣重口味好多，要有啲大膽演出，但後尾都改動咗，出街應該OK。」

文：名人組