鍾舒漫張致恒情侶彈彈

鍾舒漫（Sherman）昨日再次與緋聞男友張致恒（Steven）出席假海港城「F&H BY FANCL跳出．健康——花式跳繩表演」活動，兩人繼日前以情侶牛仔Look示人，昨日齊穿情侶鞋，兩人不避嫌在鏡頭前打情罵俏，Steven更嘲笑曬黑了的Sherman似外傭，搞到對方即詐嬌說：「喂呀。」

兩人跳大繩時表現相當合拍，即被取笑默契十足，Steven搶答說：「我哋敏捷度好啫！」他又否認與Sherman翻撻，由於當年兩人拍拖被傳遭經理人霍汶希棒打鴛鴦，記者表示兩人已大個仔、大個女應獲公司批准拍拖，Steven笑說：「係人都可以拍拖。」

問到情侶檔酬勞會否三級跳？Sherman說：「唔知，我哋有嘢就做，好少問酬勞。」Steven表示最緊要客戶同觀眾開心，他說：「如果大家鍾意我哋呢個組合，我唔介意一路同Sherman合作，最緊要搵到錢。」

另外，Sherman昨晚出席《勁歌》時，對於張敬軒將加盟英皇，她大表支持說：「好開心，初出道時佢好照顧我，希望佢可以做我歌曲監製。」

文：音樂組

鍾舒漫 張致恒情侶彈彈