霆鋒祖兒撐老闆 搶睇《爭氣》電子版
英皇集團主席楊受成博士的自傳《爭氣》，自去年9月推出後反應理想，分別加印及推出簡體字版本後，現已推出電子版，新版新增楊受成跟影帝謝霆鋒及樂壇天后容祖兒的深情訪問，還有早前在灣仔會展舉行的千人座談會，跟現場讀者大談人生逸事的精彩短片。
昨日霆鋒受訪時表示：「推出電子版係好構思，因為可以放喺平版電腦度帶出街隨時睇，今次電子版仲有我嘅訪問，當然會捧場啦。」霆鋒又讚老闆的著作是其「明燈」：「當我有事決定唔到時，就會睇番呢本書，睇完之後，就會搵到答案。」他又謂最喜歡書名，因為他覺得做人最緊要爭氣。
祖兒說老闆的自傳令她獲益良多，推出電子版定會重閱多次，又謂老闆出名識飲識食，現期待老闆再推出有關生活品味或旅遊的書籍，自問人生閱歷不夠豐富，暫未打算推出自傳，反而有興奮推出藝人趣聞的書籍。另外，楊博士在電話中表示：「同霆鋒、祖兒深情對話嗰part最精彩同珍貴，最難忘係同霆鋒講番，當年哥哥（張國榮）親自打畀我叫我鼓勵霆鋒，因為哥哥都畀人噓過。」