趙碩之拒屈服回復自由

藝人趙碩之（Wylie）與大名娛樂的續約風波又有新進展。Wylie早前斬釘截鐵表示不會續約大名，又謂不滿被要求賠錢離開，但隨着大名娛樂老闆林建名公開表示對Wylie失望後，Wylie態度突然軟化，早前出席活動時除指大名是「大家庭」外，又謂會考慮續約，不過不足半個月，昨日又有新消息指Wylie曾主動向大名求和，並指已無心挽留Wylie的大名，要求Wylie就之前的言論向大名公開道歉。

對於種種是非，Wylie昨接受本報訪問時強調由始至終未有想過向大名求和，她承認早前大名確曾主動聯絡她會面，但卻有欠誠意：「我去到都見唔到林生，覺得好無誠意。」

騷價理想

她堅稱一直沒有想過續約：「之前寫我話有意續番約其實係言語上嘅誤會，當時我講有轉機係指同大名嘅關係。其實我唔係唔飲水思源嘅人，否則唔使煩咁耐。」

她透露與大名洽談續約時，曾爭取底薪，可惜對方不予理會：「公司轉頭好似無咗件事咁，我感到失望。」

她又指與大名洽淡後，對方雖願意讓她不用賠錢離開，但卻要她刊登道歉聲明及簽訂保密條款，不過Wylie卻表示不會這樣做：「屋企人同律師都唔建議我簽，律師話之前我簽果份續約通知書根本無法律約束力，所以我唔單止乜都唔使簽，仲可以以自由身接job。」而Wylie聲稱以自由身接洽的首項工作，將是6月中舉行的泳衣騷，Wylie直認出騷價理想，並強調自己並非林建名所指般接job時諸多要求。至於大名娛樂則表示不會就事件作回覆。

文：專案組　　

攝：劉智源

場地：VRGAS