周啟生錫囝囝：一世會照顧佢
周啟生、鄭丹瑞（阿旦）昨日為《勁歌金曲》錄影，早前周啟生涉獨留患有過度活躍症及學習障礙的兒子在家而被捕，昨日他帶同太太受訪，直指報道失實。他說：「作為單親父親，有一個有問題嘅囝囝，唔係娛樂新聞，係一個悲劇。」他又指六年來請了五、六個工人，但由於兩年半前工人打囝囝，故之後沒有再請。他又強調自己不會飲醉，因要照顧兒子醉不起：「如果有人見過我醉，我畀一千萬佢。」
周啟生續稱得到社署支持：「我就快開演唱會，唔敢得罪傳媒。為咗個仔，我義無反顧，一世會照顧佢。」他坦言等錢使，笑言會搲撈。他透露約了契爺胡楓在父親節前夕食飯，問會否帶埋囝囝慶祝？他謂：「可以都想。」阿旦亦力撐周啟生：「佢好錫個仔，佢哋相依為命。大家要睇前文後理，睇佢平時係咩人。（令社會關注學習障礙兒童？）如果可以嘅，咁阿生就做咗好事。」