周柏豪自爆好事近

周柏豪入行即被踢爆已有一位任職I.T時裝店買手的女友Stephanie，雖然兩人多次被影到同車兼拍拖「濕平」，但柏豪卻以「好朋友」形容與對方關係，明顯將感情事低調，但近年柏豪不避嫌屢次拖女友睇騷，令戀情白熱化，柏豪昨日出席「adidas全新adipure Crazyquick籃球戰靴發佈會」，被問到是否與女友好事近？柏豪甜笑說：「日日都好事近、日日都好日。」

拉傷腰骨舊患

隨即澄清與對方只是女性好好朋友，問到是否同居好朋友？柏豪說：「總之係好好朋友。」記者笑他是否要搞大女友個肚才肯公開女友身份？柏豪尷尬說：「每個人都有唔同計劃，我嘅計劃係畀心機做嘢。」並強調每次睇騷都是一大班人。

周柏豪拖女友Stephanie睇騷。（資料圖片）

周柏豪入樽，有姿勢有實際。

柏豪又透露早前因搬重嘢拉傷腰骨舊患：「依家要keep住做物理治療，好彩唔係坐骨神經痛，醫生叫我做多啲運動。（做夜晚運動？）做少少適量運動。」記者指腰骨對男士非常重要，柏豪認同說：「我都覺得係，個個腰骨都重要。」

文：音樂組