張敬軒轉會強攻內地

DJ梁奕倫和茜利妹合作出書，昨日舉行的新書發布會獲張敬軒（軒仔）、谷祖琳、袁潔瑩等好友撐場。為谷新書，梁奕倫大爆多年前有「野心男」為求入電台發展，藉故親近他，在他的生日party上舔他的後頸：「我咪扮醉推開佢！點知十幾年後發現佢喺電視台度做，仲上咗位。（小生？）自己估啦！」

軒仔則透露暑假會舉行加盟英皇的儀式：「對新公司英皇好有信心，尤其係內地市場。公司已經幫我接咗全國嘅啤酒廣告，加盟之後會即刻出碟，希望追番呢幾年浪費咗嘅時間。」他強調與舊公司沒有不歡而散，在舊公司的最後一隻碟都買得好好，對舊老闆算有交代。