「巨咪張韶涵」挑機 Iris:賣點唔同

今年寫真戰將有巨胸壓境!來自湖南的「巨咪張韶涵」吳婕妤(Aily)上圍達36F,未出招先壓倒本地o靚模,她更大言不慚嘲港女平胸,「爆E超蓮」鍾采羲(Iris)和「不倒胸」何佩瑜(Jeana)兩位有料之人即時反擊,Iris還寸Aily未見過香港女仔就不要「多嗲」!

每年暑假都有一大堆新模「胸」群而出,胸前的「英文字母」更是致勝元素,過往D Cup族周秀娜、陳靜(DaDa)及楊焉(Carol)等均成功露出名堂,今年有「突」出o靚模殺入寫真戰,上圍達F Cup的湖南「巨咪張韶涵」Aily挑戰宅男fans官能極限,她與另一D Cupo靚模「谷胸阿佘」Amy K.(艾美琦)組成二人組合AD2,拍住上出寫真。Aily還寸寸貢狂嘲港女胸細,當Iris和Jeana兩位有料之人知道對方如此大言不慚,立即還擊捍衞港女尊嚴。

「香港難買胸圍」

19歲的Aily曾為湖南衞視拍廣告及贏過歌唱比賽,來港主力做model,大解放36F身材,自信十足的她寸爆港女多數平胸:「大部分都係(平胸),開頭見到都有啲奇怪,而且買胸圍好難,內地尺碼好齊全,但香港只得C、D cup。」Aily直言勁爆身材全屬遺傳,絕無僭建,並「慷慨」提供豐胸秘方,叫港女將勤補拙:「做多啲胸部運動同按摩,食木瓜、飲牛奶都有效。」但她說有巨胸亦有煩惱,最不滿常被人色迷迷眼望望:「香港男仔成日望住我上身,好尷尬,所以我盡量着高領衫。」

寫真玩同志feel

Aily及Amy透露寫真出盡法寶,包括到順德及澳門拍外景,上遊艇及酒店總統套房拍攝,說到性感尺度,Amy說:「有超性感內衣同泳衣盡騷身材,我之前拍咗套內地電影演女同性戀者,所以會同Aily玩同志feel,令fans更有遐想。」

對於Aily狂踩香港o靚模胸細,Iris昨日在電話中隔空還擊︰「佢嚟香港幾耐,見過幾多香港女仔呀?每個女仔賣點都唔同,自己覺得好足夠,佢教港女按摩豐胸,女仔按摩胸部係常識。」Jeana則不知Aily是誰,還說︰「多謝意見喎,唔該晒囉,唔值得去理呢啲嘢!」

Amy K.(艾美琦)

身高:1.65米

體重:99lbs

三圍:34D、24、34

Aily(吳婕妤)

身高:1.65米

體重:105lbs

三圍:36F、25、36

大未必佳

香港平胸都有市場,兩位出寫真的B級掌門人Cammi(謝芷蕙)和Elise(陶嘉瑩)對被「湖南乳牛」Aily踩o靚模胸細,均作出反擊。

文:影視組