英國女星Myleene Klass日前受訪自爆，閒時會用人奶與家人及朋友「分甘同味」，直言自己的父親最愛用人奶沖奶茶，更自稱其人奶味道如乳酸飲品，非常惡心！
英國媽媽級藝人Myleene日前接受《倫敦標準晚報》（London Evening Standard）訪問時，自爆其軍人老竇Oscar愛用她的人奶溝奶茶，還認為此舉並不奇怪：「天呀！我係咪唔覺意爆咗我屋企嘅秘密出嚟？其實好平常啫，我叫過好多人試我啲奶，味道就好似有益生菌嘅乳酸飲品，但冇煉奶咁甜。」Myleene又透露從小便知道Oscar有這喜好，以前曾用母親的人奶沖奶茶，所以她不會感到詫異，更笑言「我屋企係咁o架啦」。而有不少網友回應指「都想飲番杯」，更戲稱Myleene做人奶供應商，但有傳媒澄清人奶只適合BB飲用，以免讀者誤會。
現年35歲的Myleene以歌手身份出道，現為節目主持人，雖然工作量不多，但卻擁有過億港元身家。Myleene與前夫Graham Quinn拍拖11年，上年4月完婚但關係僅維持半年，二人育有兩名女兒，分別為5歲的Ava Bailey及2歲的Hero Harper，估計一家幾口都曾享用過Myleene的人奶。
文：外娛組