轉戰內地的前無綫藝人陳浩民，與內地女模蔣麗莎婚後育有一名快兩歲的女兒後，最近又再成功追多個仔，湊成一個「好」字。昨日他在電話中承認老婆懷有五個月身孕，已照出是兒子，預產期為九月，將在香港產子。六月將接拍新一輯內地劇《濟公》的陳浩民，表示要為陳家再添多一名成員而要努力賺錢，當下先要換大屋：「其實我想換一間大啲嘅屋企，但睇咗未決定，都仲有時間！（陪妻生仔？）實陪，我九月拍完《濟公》就返港，依家有工人陪老婆！」