三太唔介入女兒戀事

賭王何鴻燊與三太陳婉珍的女兒何超雲，與陳山聰的戀情一直是焦點。昨日三太陳婉珍以東華主席身份出席東華三院粵劇活動，同場還有名伶蓋鳴暉及吳美英。蓋鳴暉透露曾與賭王合作慈善粵劇演出，而三太則謂自己也有聽粵曲，但就不懂唱，她說：「今次最主要係幫啲腦退化嘅長者籌款，（何生身體點樣？）幾好！」她又透露三子女也會現身6月的慈善粵曲晚會，談到女兒何超雲的感情生活？三太續說：「問番佢啦，（有冇畀意見佢？）佢自己識諗，（話你反對佢同陳山聰拍拖？）你哋講啫，（佢哋復合反唔反對？）冇得反對，亦冇得贊成，（傳佢哋假分手？）我唔知，我冇介入。（有報道話陳山聰分手後經濟有危機？）我唔知，我啱啱先喺美國返嚟，個人仲遊緊魂。」