周柏豪精神分裂失控大屠殺
歌手周柏豪將於6月初首度擔正做電影男主角，扮演一位精神分裂的屠夫醫生。柏豪昨日接受訪問時表示自己有類似患病經驗：「自己細個曾經有情緒病，會好似Iron Man主角咁突然好驚同抖唔到氣，又會喘氣同好易唔開心，依家情緒都會有波動，但好彩有工返可以控制。」柏豪早前更和導演去探訪精神分裂康復者，了解他們的心理狀態。
問到柏豪角色和自己是否相似？他笑言：「都似，導演聽咗我首《本體分裂》，覺得我好enjoy呢種性格，好適合個角色。」至於柏豪會否和角色一樣殺人？他即說：「唔會，導演同公司同事都驚我代入咗角色唔識抽身，聽聞哥哥（張國榮）當年拍《異度空間》走唔番出來，但我唔擔心。」
孭飛票房冇壓力
首度孭飛做主角的柏豪直言不擔心票房壓力：「我算係電影圈嘅小朋友，所以冇壓力。」同片還有黃德斌、連詩雅等參與。柏豪更透露手上有5部劇本洽談中，故他直言今年演藝事業不俗。另外，柏豪早前到廣州和東莞舉行簽唱會，但卻下起大雨，柏豪為免粉絲白走一趟，堅持為到場的粉絲簽完才結束活動，更透露唱片公司積極為他洽談內地舉行巡迴演唱會。
文：音樂組