薛凱琪偷情俯鬥飛釘Kary

薛凱琪、吳雨霏、王菀之及林二汶前晚在會展開《拉闊音樂會》，陳奕迅和Fiona緋聞男友方大同都來捧場，更有指余文樂低調撐女友Kary，因他上載了一張Kary台上的現場相在Instagram，亦有指阿樂不在場，只是轉發朋友相片。

與林二汶互摸

Fiona和Kary均出動10位舞蹈員勁歌熱舞，兩人更鬥性感，Fiona穿超低腰褲晒纖腰，與中性打扮的林二汶演繹張國榮的歌曲《偷情》時，上演火辣性感舞，兩人互相依偎在對方胸上，二汶雙手不斷游走Fiona身上，Fiona一個俯身晒出骨感事業線，兩人更扮咀嘴。Fiona唱《糖不甩》時在台上換上一套透視裙，泳衣bra top若隱若現。

放大圖片	薛凱琪在台上換上透視裝扭腰。

Kary則以窩釘戰衣，配熱褲騷長腿迎戰，又與舞蹈員有趴地趷籮動作。而Ivana就晒琴技自彈自唱，同樣贏得掌聲。四女更有講是非環節，Fiona被爆有自戀狂，家中由牆到地都是其照片，Kary則被二汶追問感情事。

吳雨霏（左起）、薛凱琪、王菀之及林二汶大展歌喉。

穿窩釘舞衣的Kary前晚落力表演。

唔知阿嬌分手

完騷後四女受訪，Fiona和二汶都說枕對方胸口感舒服又享受。提到余文樂日前上載一張下雨開車相寫着「接放學」，Fiona即反問Kary：「你讀緊咩？」搞到Kary一臉尷尬甜笑。阿樂與鍾欣桐（阿嬌）曾傳緋聞，問Kary可知阿嬌和K先生分手？Kary說：「唔係好知，冇留意。（與圈中人拍拖好大壓力？）始終喺水銀燈下，會謹慎啲，所以想低調。」她又說不知男友有否捧場。

文：音樂組