近日無綫劇集《金枝慾孽貳》成為熱話，有份參演的關禮傑昨到電台宣傳，談到鄧萃雯早前炮轟拍攝時狂「飛紙仔」，因而辣慶編審周旭明等人，更有傳無綫因此封殺雯女，關禮傑幫雯女口說：「可能佢外國讀書返嚟，加上初出道拍嘅劇成功，講嘢咪率直啲囉，但其實雯女有信仰後改變咗好多，佢口講嘅未必表達到佢嘅內心世界。（覺唔覺得雯女嘅一番說話好影響士氣？）都有啲，但其實雯女好用功o架！」至於有指無綫借影團體照晒冷救亡？關禮傑表示：「只係鼓勵士氣嘅一種啫。」
