童冰玉重傷入院娜姐心痛
與周秀娜在新片結緣的「馬國木瓜」童冰玉前晚自駕從吉隆坡到新加坡時，聲稱被賊人拉落車強搶財物，童冰玉被打到口腫鼻青，即時報警並送院醫治。昨日牛一的娜姐驚聞事件後擔心對方傷勢，又恐新片因此遲遲未能埋尾！
有「馬國木瓜」之稱的馬來西亞籍華人童冰玉，近日有份參與周秀娜做女主角的新片《爆3俏嬌娃》為人熟悉，可是她前晚開工後獨自駕車從吉隆坡駛往新加坡時，被賊人攔途截劫，童冰玉報稱除被強搶近萬元財物外，反抗時更被賊人打到「豬頭」咁樣，不但口腫鼻青，手腳更多處出現骨折，報警後即時送醫救治，至今仍留院觀察。
擔心拍攝進度
童冰玉透過經理人透露，近日不斷受電話騷擾，令她不勝其煩，又表示遇劫當時已高呼救命，可是夜闌人靜，最後保住條命已算萬幸，她又擔心傷勢會影響新片拍攝進度。本報致電娜姐，昨日28歲生日的她表示得悉此事後感到十分驚訝，並說：「真係令人髮指！我見到佢受傷嘅相，真係心痛。其實一個女仔咁夜真係唔好揸車，最好有人陪，點都有個照應！」娜姐續說：「本來6月會飛過馬國為新片埋尾，依家冰玉咁傷，要睇番佢傷勢先知拍唔拍到，都擔心拍攝進度。」
狂掟蛋糕癲玩
另外，娜姐昨日度過分手後首個牛一，據知她已請假一天與家人慶祝。娜姐日前與同屬「5月壽星」的師妹余曉彤（Hidy）慶生，獲卓韻芝、盧頌之（DaDa）、師弟趙勁浩、電影監製黃永峰等到賀。娜姐當晚心情大好，狂掟蛋糕玩到癲，最後更因坐中朱古力忌廉搞到一褲都係，被Hidy、DaDa等恥笑。
經理人Roy和黃永峰前晚則與娜姐鋸扒，陪她踏入人生第28個年頭。記者致電娜姐前男友Avis（陳偉成），問他有否致電娜姐送祝福？他落寞地說：「唔使啦！都冇聯絡好耐，發短訊畀佢就得！」
文：專案組