余文樂「邪教」論 GD粉絲喪插
韓國當紅組合Big Bang隊長G-Dragon（GD）兩場香港演唱會圓滿結束，前晚余文樂在Facebook上載舞台照片，並指GD似「邪教」，即引起一班GD粉絲爆粗留言喪插洗版，樂仔的粉絲見偶像被侮辱，亦加入戰團開火。樂仔為平息罵戰，即急急解釋「我只係用一個有趣的方法表達我對他的欣賞」來打圓場。
Big Bang隊長GD來港在亞洲國際博覽館舉行兩場演唱會，吸引了不少圈中人熱捧。前晚欣賞尾場的余文樂，分別在Facebook上載兩張相片，於其中一張舞台照片留言「邪教一樣……利害」，雖然另一張GD後台照寫了「所有小朋友都很喜歡他」，但仍觸發GD粉絲神經，留言鬧爆樂仔：「你打狗都要睇主人啦！你居然攞阿偉大嘅GD來說笑？」樂仔粉絲見偶像被侮辱即留言力撐，與GD粉絲「開火」。慘被「洗版」的樂仔為平息兩方粉絲罵戰，之後留言解釋：「我想你地（哋）誤會了！我只係用一個有趣的方法表達我對他的欣賞。」
追星混亂 匆匆入場
前晚GD完騷後，在多名保鏢陪同下乘車返回位於尖沙咀下榻酒店休息兼醫肚，沿途有十多部追星貨Van。抵酒店後，粉絲大叫偶像名字，身穿黑白波點衫的GD未有理會，直接進入酒店，鍾欣桐男友權寧一則全程陪伴左右。至凌晨一時許，GD乘坐平治房車前往中環夜店Dragon i消遣，粉絲當然「死跟」！期間有追星貨Van司機與韓國保安發生衝突，最後要香港保安及工作人員出來調停，GD與權寧一於混亂間匆匆落車入場。
韓國保安 極不友善
記者等候時，韓國保安態度極不友善，更用手推記者相機。至凌晨3時，為避開記者及粉絲追訪，GD從另一秘道離開，繼續轉場到另一夜店狂歡。雖然保安嚴密，但前晚亦有粉絲在社交網站上載GD現身夜店消遣的照片，留言指GD同行保鏢發現有人影相，即被對方搶手機。而阮民安（Tommy）在GD進入夜店後一小時現身門外，但未能入場。問他是否來找GD？他說：「唔係！我嚟搵Mark Ryan（鄭欣宜前男友），我路過咋！」
此外，GD昨日出席活動後，直接前往灣仔一間韓國菜館食飯，現場亦有半百粉絲追車。約一小時後，手持汽水邊行邊飲的GD，在多名工作人員陪同下乘車返回酒店。
文、攝：追蹤組