李蘊 鄭嘉俊 踩上舞台玩曖昧

歌手李蘊（Renee）最近踩過界，將於下月於舞台劇中與男演員鄭嘉俊談情說愛，不過二人笑言起初感到非常「見外」，要慢慢培養出感覺，問到是否需要朝夕相對？Renee笑說︰「大家見過幾次面已經好咗好多，其實佢幾有親切感，幾似公司隊band其中一位成員。」她指二人在舞台劇中是關係曖昧的好朋友，不過二人強調現實性格不會這樣，Renee說︰「我本身性格係愛一個就一個，唔會拖拖拉拉。」

拒提親密戲

雖然二人於劇中並非戀人關係，但對於會否有親密劇情，二人則大賣關子，不肯透露，但強調戲外不會擦出愛火，鄭嘉俊說︰「做演員識得抽離，戲內會鍾意佢，但戲外就唔會，而且我好專一，已經有女朋友。」問Renee其才俊男友會否來撐場？她直言已邀請對方，她說︰「我都想畀佢睇我識做戲，但唔驚佢呷醋，仲會介紹埋男主角鄭嘉俊畀佢識，識多個朋友都幾好呀。」身旁的鄭嘉俊更打趣表示︰「我都想見下佢，話唔定佢會愛上我呢！」

Renee透露會叫男友來看她演出，證明自己識做戲。

鄭梓靈（前右）前來探班，Renee大讚對方的作品非常好睇。後右為導演梁永能。

鄭梓靈探班

至於今次的愛情舞台劇《假如我們不是這樣開始》改編自小說家鄭梓靈的作品，訪問當日鄭梓靈更特地前來探班，Renee直言非常開心︰「我好鍾意睇佢嘅作品，今次好榮幸可以演繹佢嘅作品，希望唔會令大家失望。」