賈立怡閃婚半退出

前創作女歌手賈立怡（Rachel）上星期秘密結婚，譚姓夫婿乃從事保險業，Rachel在電話中流露出喜悅說：「我哋拍咗半年拖，都算係閃婚，大家好夾咪決定拉埋天窗。」去年兩人到北海道滑雪，老公乘機求婚，她笑說：「佢冇跪地，不過有戒指，都幾深情幾感動。」她又大讚老公為人誠實細心又顧家，相處舒服。
賈立怡閃電嫁人成為譚太。
賈立怡閃電嫁人成為譚太。

自資開音樂學校的Rachel，最近忙於公司喬遷，連度蜜月也要推遲，她說：「前幾日搵咗張燊悅、許懷欣幫我學校剪綵。」婚後想過安定生活的她無意再返樂壇：「之前喺北京都有做電影配樂，幕後工作都會繼續做，但再出碟做歌手太辛苦，想多啲時間陪屋企人。」上周已設婚宴宴請親友，計劃年底再搞結婚派對，邀請朋友作樂慶祝。

賈立怡（左）秘婚做新娘子，流露出喜悅。
  • 賈立怡（左）秘婚做新娘子，流露出喜悅。