洪卓立換look定目標買樓

入行六年的洪卓立（Ken）銳意來個大改革，由斯斯文文的學生哥造型，變身港版權相佑。日前他就以新look走落銅鑼灣街頭宣傳新碟《All Around Us》，一向甚受學生妹歡迎的Ken隨即被少女蜂擁包圍，令他不禁流露靦覥笑容。

唔落街唔知受歡迎

Ken帶點害羞地說：「唔係第一次落街宣傳，都好多次喇，不過都有少少緊張。其實幾好玩嘅，唔落街唔知有幾多人認得你。」他又笑言沒想過轉新形象會吸納新fans，並說：「入行咁耐想改少少畀人哋嘅印象啫，以前好baby face、好似死o靚仔咁款，對唱歌、拍戲都有啲影響，所以都想改變吓。」

Ken落銅鑼灣街頭宣傳新碟，被過百少女包圍。

洪卓立、湯怡這對緋聞情侶未知何時開花結果。

未諗過有屋就求婚

入行六年，他直言要發憤賺錢，希望今年一嘗做業主滋味：「其實都想咗好耐o架喇，買樓都算係必經階段嚟嘅，想令父母安心啲。暫時買咗會自己住，最好買多間屋畀父母喺左近，大細都冇所謂，畢竟喺香港置業唔容易。」問到是否有層樓揸手才可向緋聞女友湯怡求婚？Ken笑言：「梗係唔係，豆膶咁大間屋點住兩個人吖！」

文：音樂組