唐貝詩自我增值搞資訊科技
唐貝詩（Lydia）幫媽咪寇鴻萍手搞團購網站，生意已上軌道，母女二人除了在團購網賣美容、飲食等優惠券外，最近有意擴展生意範圍至資訊科技，Lydia說：「我見本身公司有電腦人才，而且發現網上生意空間好大，所以決意做呢門生意，賣電腦apps，幫人打理facebook專頁等。」
Lydia原本負責團購網的銷售及marketing，現在更接觸資訊科技範疇，她決定自我增值上專業電腦課程班，她說：「想學得專業啲，寫下html，網頁管理，自己都識埋嘅話，同客傾都會直接啲。」她又透露公司愈搞愈大，所以寫字樓都搬大了成倍，人手亦要增加，她說：「我哋主要請年輕人，要貼近潮流。（好多人話80後做唔長？）最重要睇有冇heart。（怕唔怕人哋話你三分鐘熱度？）唔會理，自己做好自己，而且生意都上咗軌道。」
