陳茵媺突推劇疑結婚

無綫六月將開拍劇集《寒山潛龍》,據知女主角陳茵媺忽然辭演,現時無綫方面都相當頭痛,急急找人頂替。記者昨日致電給此劇監製羅永賢,他坦言確實有此事,更謂︰「陳茵媺屋企有啲私事,要返去外國處理,(係咪此角色要打太辛苦?)唔係咁嘅原因,(咁搵到人頂替未?)未,我哋依家積極物色緊人選。」

有好消息就宣布

至於「忽然」辭演的陳茵媺昨日被問到甚麼原因會辭演時,她坦言要抽時間返外國探父母,都是一些私人理由,問她是否打算與陳豪返外國秘密結婚時,她笑言︰「哈哈!多謝你嘅祝福,不過等我真係結婚先啦!」而陳茵媺男友陳豪昨日於電話中回應表示都知對方推掉劇集一事,他謂︰「佢要返加拿大,詳情唔方便講,(你會否一齊?)我喺香港都有嘢做,(係咪過去註冊結婚?)都知大家好關心我哋,總之有好消息我會同大家宣布,我係傳統嘅人,結婚一定會話畀大家知。」

馬國明唔知辭演

而劇中男主角馬國明坦言不知陳茵媺辭演,他謂︰「未同佢合作過,真係可惜,我哋劇入面都好多打鬥,(有冇練定功夫?)我都想,但拍緊劇都未有時間。」

文:影視組