憑「Laughing哥」一角成功彈出的藝員謝天華，前晚錄影新一輯獎門人節目時，默認7月與無綫約滿經理人合約後不再續約的傳言。他表示現在是一個階段的完結，並以學生畢業要升班作比喻，但暫未可公布去向，問到TVB可有挽留他？天華說：「都有好好嘅條件，但我希望有突破。（返內地拍劇？）不嬲兩邊都有做。（同TVB簽部頭約？）唔排除。（人工唔夠好？）都講咗好多年，喺TVB係機會多過錢，錢係搵唔晒嘅，我想同未合作過嘅人合作。（去王維基嘅香港電視？）仲有好多選擇嘅。」
