藝員徐子珊昨日現身「香港麥當勞義工隊 交個心畀你」義工活動，到特殊學校探望身體弱能學童。提到安祖蓮娜因基因問題切乳防癌，子珊說：「佢咁做表達咗個好重要嘅訊息，就係女仔要好留意健康，我都有定期做健康檢查。（朱慧敏都考慮40歲後切乳？）呢個係幾大嘅決定，如果有個案例大家都覺得積極正面，切都可以接受。」
對於近日有傳眾無綫藝人約滿後會離巢到內地發展拍劇，未滿約的子珊說：「去邊發展唔係最重要，角色先最重要，不過同事走會唔捨得。公司又真係缺人，大家都望有多啲火花。（有傳『有線幫』有人撐腰多機會？）唔理喺邊度嚟，有新火花就好。」
