劉嘉玲冇膽出唱碟

劉嘉玲、歌手陳慧琳（Kelly）、周慧敏、古巨基、王馨平、張繼聰、馬德鐘夫婦等昨晚出席活動，憑電影《過界》在康城電影節中角逐「一種關注」單元的嘉玲，活動完畢後昨晚即與老公梁朝偉飛往法國康城出席電影節，問她是否信心十足？她說：「唔係嘅，好多朋友喺嗰邊，好似李安、覃樟柯。今次去敍舊，不過偉仔去最重要都係支持我同聽我唱歌。」

歌喉冇得勉強

為《過界》唱片尾曲的嘉玲指連偉仔亦未曾聽過首歌，歌曲將於康城首度面世，她說：「我由九幾年開始冇唱過，除咗唱卡拉OK。（覺得自己唱成點？）我梗係覺得唔好啦！但我有真誠，發自內心咁唱。（唱歌難定拍戲難？）梗係唱歌難好多啦！阿菲（王菲）就相反，佢隨便唱都好好聽。（會唔會出碟？）唔會，我唔係唱歌嘅材料，冇得勉強。」

陳慧琳對於助手與鍾楚紅傳緋聞，認為得啖笑。

古巨基、周慧敏難得碰頭。

Kelly笑談緋聞

Kelly被問到助手Leo與鍾楚紅（紅姑）傳緋聞一事，她笑言：「好搞笑，你見我今日唔帶佢出嚟，費事做第三者。佢跟咗我咁多年都冇傳緋聞，我唔夠吸引力，紅姑就唔同。」

王馨平盛裝示人。

張繼聰

周慧敏則表示有留意國際女星安祖蓮娜祖莉（Angelina Jolie）切雙乳防癌一事，她說：「我好尊重佢，佢帶畀我哋嘅訊息係女士要keep住做檢查，我每半年做一次，自己都會按乳房檢查。」在旁的古巨基聞言甚為尷尬，問他如伴侶有相同的情況出現，會否支持對方的決定？基仔說：「其實靚唔只係外表，一個人本身嘅性格、累積嘅感情都係一種靚。」此外，他說未曾見過經理人霍汶希（Mani）的女兒，但大讚Mani為囡囡戒煙很負責任。

文：名人組