前港姐曹敏莉、陸詩韻、張嘉兒、朱希敏等，昨出席《2013慧妍雅集「愛世界」慈善晚會記者會》，懷有四個月身孕的慧妍會長曹敏莉說：「第二胎佗得比較輕鬆，但頭三個月嘔到我死，聞到香水同食物味道都嘔，已經知肚入面係仔，我同老公幫佢改名叫Marco，中文名未諗到，我個女成日問我BB Marco喺邊？（生夠休息？）暫時夠啦，唔再生住。」
陸詩韻則對未婚夫吳銘偉被指欠債，繼續封口：「啲報道一時話佢係富豪，一時又話唔係，我要回應已經回應晒，由讀者自行判斷。（幾時結婚？）未有計劃，應該唔會今年，見步行步啦！」
