吳千語長吳尊志氣滅自己威峯

林峯與女友吳千語愛得煙韌,千語昨日出席林峯有份拍攝的慈善相展時,未知是否因為男友不在場關係,在台上她不但恥笑在相中的男友似瞓覺,又公開大讚台灣型男吳尊最性感,毫不避嫌,她稱吳尊與林峯老友鬼鬼,不會呷醋。

吳千語昨日出席Kiehl's慈善相展,現場放置林峯、吳尊、任賢齊(小齊)、方中信、周柏豪與林德信、周柏豪等型男照片,以展男性魅力。千語在台上被問到心目中型男?她大讚相片中小齊濕身造型很性感,而吳尊則是最性感。司儀謂林峯不夠性感時,她笑說:「我覺得佢瞓緊覺!」及後她接受訪問時,卻大讚男友照片很有感覺:「佢喺張相度似諗緊嘢。(諗緊你?)唔知!」由於林峯未有現身,問她是否代男友出席?她甜笑說:「唔係,只為慈善。」

否認貪慕虛榮

問她在台上大讚吳尊最性感,會否激嬲男友?她坦言:「唔會,佢哋係好朋友。(叫林峯練番一身肌肉?)每個男人需要肌肉身形都要日日練,唔係咁簡單。」至於林峯可有讚她身材?她表示自己纖瘦不少,那男友可有心痛?她稱沒有,自己也想增磅。另外,提到陳嘉桓暗示她「常用名牌袋都要睇年紀」,有貪慕虛榮之意,她表示:「我唔覺佢有意指我貪慕虛榮,我唔係睇牌子,靚就得,何況自己搵到錢買自己鍾意嘅嘢啫!」

搵松岡教咀戲

同場的林德信被問到有報道指他拍攝《第七謊言》與o靚模蔡穎恩拍親熱鏡頭時,緋聞女友姜麗文現身監場?他表示對方只是來探班:「佢嚟到見我哋排緊嗰場(指親熱戲)戲,佢見到都忍唔住笑,不過都話我哋拍得好。(事前備案?)唔使,點解要備案?(你兩個傳緋聞嘛?)我冇諗我哋傳緋聞。」問到是否緋聞女友松岡李那(Linah)才是真?他說:「吓!我唔知,我都好亂!(亂因為未揀定?)唔係,兩個都係普通朋友。」

他笑指對手蔡穎恩表示他的鬍鬚拮,記者笑問現實生活有否被指鬍鬚拮時,他笑說:「曾經有。(現任緋聞女友喎?)咁……真係拮!(姜麗文同Linah喎?)冇投訴呀!」提到Linah拍《溝女不離三兄弟》時都有激咀戲,他表示全不知情:「我知佢拍戲,唔知佢有咀戲。(好激喎!)係咩?劇情需要!(叫佢教你拍咀戲?)好好,why not?」

文:名人組