徐子珊街頭姣爆嘟嘴胸壓黃子華
前晚於中環街頭拍攝的新劇《My盛Lady》，劇情講述黃子華與徐子珊示範「港男、港女」拍拖過程給飾演「男人婆」特警的王君馨（Grace）看，身穿火紅前後deep V裙的子珊，先是咬唇撥髮，後來又逼子華嘟嘴自拍，更胸壓對方兼發出「嬌嗲攻勢」，認真姣到出汁！期間，子珊更當眾掀起紅裙整理收音咪，即引來途人眼（目及）（目及）。
問到二人有否錫嘴？子華說：「呢個課程冇教錫，有係會貴好多。（親熱戲？）之後唔知，暫時未決定。」提到近日無綫劇收視低，有傳《My》劇即出「救亡」，他謂：「係謠傳，相信呢套劇冇半年都出唔到街，我都要拍幾個月，再加幾個月後期都好合理。（擔心收視？）我諗乜都係鋪鋪清，今次嘅收視冇人能預測。」
「港女」上身難頂
至於「港女」上身的子珊笑言很難做，她說：「睇番playback，我自己都頂唔住，今次要引人笑，某啲效果要比較dramatic。（接到子華爆肚？）梗係接唔到啦！因為佢係神級，我就係平民。」提到楊怡渴望北上掘金，她表示隨緣，角色發揮較重要。
以黑色低胸露腿裙示人的Grace坦言首次與子華合作好緊張，Grace又指會客串三集。
文：影視組