莊思敏解放玩車震
莊思敏於新片大解放，除與沈震軒搞車震，還僅穿內衣色誘陳奐仁。為防陳太詐型，她坦言要求陳太現身監場，又再三否認與導演葉念琛拍拖，並呼籲想追求她的異性多作主動！
莊思敏、連詩雅、松岡李那、沈震軒等昨出席新片《溝女不離3兄弟》開鏡，露南北半球的莊思敏，對導演特別安排激吻戲份給她與沈震軒表示略有聽聞：「好似係車震，仲有一幕要我色誘陳奐仁，到時只係着Bra同底褲。（唔驚佢老婆呷醋？）我要求佢老婆嚟監場添！」問到與葉念琛之關係，她坦言兩人是住得近的朋友，亦不發覺對方有追求之意：「真係冇諗咁多。（之前林忠豪追你都話唔覺！）後來先feel到，所以有興趣追求嘅就做多啲啦！依家隨緣，佢（葉念琛）係個可以食飯嘅朋友。」葉念琛被問到為何捨得「女友」於片中大解放？他反應頗大謂：「亂講！點解唔捨得？又唔係真係女友。」
松岡拒授吻技
松岡則以瘋狂來形容日前與糖妹男友何浩文的激吻戲，提到糖妹因此呷醋，松岡謂：「我哋都係工作，糖妹好sweet同cute，但如果同佢解釋會好奇怪。（緋聞男友林德信向你求教接吻技巧？）我唔係嗰類型老師，教唔到佢。」
文：影視組