素顏兼便服打扮的莫文蔚（Karen）前日下午３時出現中環，身手敏捷的她懶理危險，急步於扶手電梯奔走，似是相當心急地步入時裝店，會合助手後齊齊揀靚衫，及至發現記者，Karen友善地揮手兼手指指，然後急急戴番黑超遮殘樣。步出時，Karen大方地向記者表示：「嚟緊有個好勁嘅騷，要搵戰衣呀。」然後連行數間名店均未有收穫，於是她和助手步入咖啡店坐低歎茶抖一抖，一於醫飽肚再算。
