喬寶寶坐移民監 難捨tvbubby
藝人喬寶寶前晚現身機場，出發往蘇格蘭「坐移民監」，身穿上衣表示愛香港的他，更帶同一個tvbubby公仔，以及好友李思捷在他今年生日時特別訂做、寫上「香港首位最佳南亞裔演員獎」的獎項上機。喬寶寶坦言心情相當矛盾：「要離開我嘅出生地好唔捨得，但開心嘅係可以見到屋企人，同埋老婆都鍾意嗰邊嘅生活同間大屋！」
作為全港首位南亞裔藝人，喬寶寶表示能成為少數族裔的代表感榮幸：「好開心可以為社會作出貢獻，希望未來會有更多嘅喬寶寶產生。」他亦不忘感謝觀眾的接納和支持。現場更有多位粉絲要求和喬寶寶合照，他都一一答應。他透露八月尾將回港出席活動，問到「坐完監」後，會否返港工作，他就感慨謂：「睇吓點啦！命裏有時終須有，命裏無時莫強求。」