周啟生成功上契 high咀「老竇」

歌手周啟生及周小君前晚舉行《小生小君LOVE & LIVE演唱會》尾場,獲林志美、江華夫婦、趙增熹等撐場,啟生繼續同嘉賓及觀眾咀足全場,戴思聰老婆亦成為目標。其後,啟生更以水代酒,下跪嘉賓胡楓(修哥),再次要求上契,鬼馬的修哥爆金句:「我哋講心,水就唔使斟,嚟到飲一飲,我個心好甘。」並宣布啟生是其第14個契仔,high爆的啟生「把持唔住」即咀契爺!

啟生在慶功宴上自爆本想當修哥契細佬,點知曾慘食「檸檬」,畀修哥硬窒「你未夠班」。問到小君可會繼續「添食」?小君笑指因開騷而「欠落一身債」:「我幾個月冇同朋友食飯,冇同學生上堂喇,要還債先!」