周柏豪連詩雅互餵口水
歌手周柏豪及連詩雅（Shiga）前日出席麥當勞活動，兩人交換口水互餵食包，柏豪不以為然的說：「我哋拍戲咀過添啦！」又自爆曾食「殘廢餐」兼與對方產生感情：「讀書時斷手，隔籬位女班長餵我食嘢，我對佢產生咗媽媽嘅感情。」
柏豪又說出街拍拖會比較檢點，又大講有味笑話：「我返到屋企就係一隻大size、又溫柔嘅小鳥，因為我有六呎高。」Shiga則說如果男友「唔監粗嚟餵」，其實都幾sweet。
談到賭王千金何超雲最近甩拖，前緋聞男友柏豪即刻「落閘」說：「我冇追過佢，亦都冇咁諗過，人哋嘅事唔講喇！（何超蓮同台灣歌手吳克羣疑似『撻着』，你同佢邊個比較襯？）我唔同人比較。」