苟芸慧曾受困擾後悔入行
被指與城城傳緋聞，因而帶挈出騷價幾級跳的苟芸慧昨日接受電台錄音訪問，有指騷錢由3萬跳到10萬，苟姑娘稱報道誇張：「雖然我唔係好清楚自己價錢，但都冇去到咁誇，好多工作係之前接落，公司已經安排咗，緋聞係咪有幫助？我唔可以話完全冇，所以呢樣嘢提醒我，當每件事發生後，唔好即刻去咗負面情緒，盡量諗吓件事會有兩面，睇自己個心點睇。」
最初她頗抗拒和郭富城傳緋聞，反問外界為何不多留意她的工作，但其後大家明白緋聞屬假，為得還以清白而開心。苟姑娘承認緋聞有助人氣上升，但要衡量自己可否承受輿論壓力。至於她介意跟郭富城傳緋聞，還是介意被傳是第三者？她坦言：「係第二個多啲，一嚟唔係真事，如果畀人話第三者唔係咁好嘅事。」她亦表示曾有點後悔加入娛樂圈，但當找到目標及愛上拍戲後感覺全不同。