羅霖單身母親節攬仔自療
昨日是母親節，對於羅霖來說，是其失婚後首個母親節，幸獲兒子陪伴做慈善，感覺特別有意義，她揚言最想收到的母親節禮物只是一家人食飯。
羅霖偕同年僅7歲的孻仔劉子晉（Jonathan），與一眾藝人包括王馨平、譚詠麟（阿倫）、伍詠薇、甄子丹太太汪詩詩及胞妹汪圓圓等，趁昨日母親節不忘做善事，早上齊集山頂出席慈善步行籌款活動。對於羅霖來說，昨日是她失婚後首個母親節，她說：「我同啲仔講唔使送花送禮物畀我，陪我去做慈善就得，但係今朝Jonathan都送咗個水晶Hello Kitty畀我，係三個仔用零用錢夾份買畀我，好開心，（今年特別感觸？）唔會，我哋做完慈善，之後同廿幾個朋友一齊食飯，夜晚再同三個仔和我媽咪食飯，每年母親節或者我生日，啲仔都會推晒約會陪我，我最想收嘅母親節禮物就係一家人一齊食飯。」問到前夫劉坤銘有否致電問候她時，她斷言說沒有：「冇諗過佢今日會打畀我，冇收電話，亦都唔會影響我心情。」
活在媽媽福澤中
另外，王馨平表示參加完開步禮後便要趕去跟奶奶吃飯慶祝，咁識氹奶奶開心，果然是廿四孝新抱，她說：「其實我哋成日都會陪奶奶食飯，每星期兩、三次，唔係呢日先陪奶奶。同埋一陣會打電話畀我嫲嫲，佢九十幾歲喇。（送禮物畀奶奶？）冇喎，我同老公開開心心咁照顧佢已經好開心。」她又坦言很懷念已離世的媽媽，指若母親仍在生，看見她得到幸福，一定會感到很安慰，自己當年返港入行時才多些時間陪媽媽，可是大家緣分不夠，媽媽這麼早便離開，她又大讚媽媽為人很好，大家現在對她好也是因她媽媽生前對人好，她仍活在媽媽的福澤中。她自言很遺憾未能知道更多有關媽媽故鄉中山的故事，她雖到過當地開演唱會，但就沒時間四處走走。問她媽媽當年知否她拍拖？她說：「我同媽咪冇乜隔膜，咩都傾。（想唔想做媽咪？）隨緣。」
阿倫唔講囝囝事
阿倫就表示完成工作後就會陪媽媽慶祝母親節，會送花及水果給媽媽。問他可有陪囝囝一同參加慈善步行籌款？他即表示會，自己亦曾與林嘉欣去甘肅探訪，感到很有意義。提到林嘉欣日前誕下B女，阿倫也戥嘉欣高興，他謂霍汶希（Mani）的B女也很可愛。至於囝囝在英國升學可會擔心？阿倫就表示多謝關心，向來絕少公開談及囝囝的他又笑言：「呢度好大霧，博大霧。」
文：名人組