李亞男拒與祖藍同居
無綫藝員李亞男、林欣彤（Mag）及魏焌皓昨日出席母親節活動，向觀眾派花及大玩遊戲，亞男透露媽咪身處加拿大，遲些會出錢與她旅行慶祝，問到會否約男友王祖藍媽咪食飯？她說：「會補番，其實都成日見，佢好friendly。（家長有冇催婚？）唔會啦！」對於祖藍日前在微博自爆穿女裝拖鞋，因而被疑兩人同居，亞男說：「佢係穿佢阿妹對鞋，貪舒服就唔理。（接受同居？）唔會！我哋有共識，要真係結婚先住埋。」
而現場見Mag依然瘦削，雙腳猶如兩支竹，她透露已比早前患抑鬱時增磅，但日前又因狂食魚生肚屙入院：「自己腸胃比較敏感。（緋聞男友羅孝勇有冇探你？）冇呀！得家人照顧，但我知佢就返內地參加歌唱比賽，會叫佢加油。」