熊黛林童心愛便便
吹氣巨鴨襲港，令尖沙咀碼頭長期塞滿「鴨迷」，就連不少明星都專誠前來朝聖。
在巨鴨面前，明星都化身小粉絲，把充滿童真的合照都放上微博。童心未泯的名模熊黛林則希望《IQ博士》的小雲、小吉能飛來香港，就連裏面的屎都不放過，盼以最可愛的形象為大家帶來歡樂。
《珠寶展》
名模熊黛林：「我鍾意小雲，佢好可愛，但要有小吉一齊出現，有埋舊屎就可愛到爆。我想佢哋喺空中飛住咁出現呀，人人都睇到。」
《保時捷活動》
模特兒Cara G.：「想小飛俠阿童木以雪糕嘅形式嚟香港，因為雪糕可以食咗佢，唔會造成浪費。」
名模Jocelyn：「我最希望獅子王嘅辛巴（Simba）同娜娜（Nala）嚟香港。佢哋係我最鍾意嘅卡通人物，都有儲佢哋嘅收藏品，好似屋企嘅紙巾盒就係佢哋。如果佢哋嚟，我一定會瘋狂影相！」
《美容活動》
模特兒莊思敏：「想蒙面超人來港。因為自小就鍾意，兼想見真人版。最想佢從天而降，keep住吊威吔，覺得會好得意同搞笑。」
名模姚書軼：「想見卡通人物Tin Tin，因為自己細個第一本買嘅卡通書係Tin Tin，而且自己鍾意狗。細個屋企唔畀養狗，自己好想有Tin Tin為伴。最想佢以偵探查案嘅福爾摩斯造型出現。」
《美髮活動》
模特兒傅嘉莉：「我想牛奶妹坐住船嚟香港，而船上面仲要放住好多牛奶嘅嘢！因為我一向都好鍾意佢，仲有儲佢嘅figure。」
《時裝活動》
苟芸慧：「希望海綿寶寶化身一個巨型浮床嚟香港。」
吳千語：「想海賊王（One Piece）隻船嚟香港，其實喺日本都有，想佢移師過嚟香港！」