陳敏之硬食 阮兆祥巨躉

陳敏之與阮兆祥昨日為新劇《My盛Lady》開工，監製文偉鴻特別安排一場搞笑戲份，劇情講述因食物敏感導致生疱疹的祥仔，被敏之誤會有性病，兩人於小巴偶遇，混亂間祥仔臀部不慎撞向伊人粉臉，嚇得她呱呱大叫。拍攝前二人已多次試位，見敏之不時拉祥仔的長褲度位，祥仔又專登趷起臀部，場面相當有趣。

嗌驚死頂

以「小雲」Look造型示人的敏之透露終可擺脫以往的靚女角色，於新劇盡情搞笑。雖然尚未與搞笑能手黃子華演對手戲，但已做足心理準備。她謂：「佢係神級演員，好期待同佢開工。本身好鍾意睇佢作品，希望可以喺佢身上學到喜劇知識。（畀祥仔臀部撞落塊面度有咩感覺？）佢pat pat咁大都驚o架！不過頂得住。」提到昔日好友陳山聰箍煲失敗回港，敏之淡然表示沒與對方聯絡及見面。問是否仍關心他？敏之說：「佢嘅嘢都係唔回應太多。」

唔會放屁

對於被敏之取笑臂部大，祥仔幽默回應：「梗係！唔大咪坐唔中？佢塊面咁細，男人『肌』礎要打得穩，下盤都要穩。其實我個size都唔係好勁，絕對唔係龍躉！（如果放屁咪好尷尬？）唔會做啲太核突嘅嘢，呢場戲純粹搞笑。」

文：影視組