家蔚盈盈新任媽咪 坐正Sweet爆

母親節溫馨滿載，楊千嬅、湯盈盈、周家蔚幾位新任媽咪，養兒方知父母恩，不少都選擇數代同堂齊齊慶祝。去年六月與老公丁子高榮升父母的千嬅，在今天會四代同堂一同慶祝，千嬅昨日就在微博中上載一張疑在家中拍攝的照片，見囝囝Torres（丁進諾）蹬直左腳塞着媽咪的鼻子，果有西班牙球星費托的腳法，構圖有趣，千嬅代囝囝發聲：「媽咪，我肯定你漂亮的鼻子是真的。」

妄想與子對話

昨日千嬅在電話訪問中說：「我想親手煮餐飯畀媽咪同奶奶食，有意思啲！希望囝囝將來大咗可以煮番畀我食，Home Made嘅嘢會更特別。」她又笑言與老公像天下父母般都有「妄想症」，感覺正牙牙學語的Torres跟他們說話。

洪天明急不及待替兒子辦妥證件，準備一家三口外遊度假。	錢嘉樂與湯盈盈夫婦昨到山頂出席慈善活動，暫時撇下剛兩月大的女兒。	樂樂盈盈打算每月為女兒慶祝一次。

另一對新科父母湯盈盈與老公錢嘉樂，以及同是首年以媽咪身份過母親節的文頌嫻，在山頂出席慈善步行籌款活動。樂樂盈盈十指緊扣到場，透露今日會與樂媽三代同堂，逛街飲茶慶祝。BB剛兩個月大的盈盈說：「感覺好sweet，亦好珍惜自己嘅媽媽，因為媽咪唔喺香港，特登喺屋企影咗張全家福送畀媽媽慶祝母親節。」樂樂又透露前晚在家切蛋糕慶祝女兒兩個月大，並計劃每月慶祝一次。他們亦有再生BB的計劃，盈盈說：「會再生，第一胎唔識真係食得太多，呢排有人問我幾時生得，好hurt囉，等我調理好身體、收完身重拾自信就會再生。」

Lisa母愛氾濫

另外，周家蔚年初誕下兒子洪大仁，昨日在西環出席母親節活動時，她笑言囝囝大得好快，並好似已經懂事一般，樣樣都好乖。她指現時有奶奶廿四小時幫手照顧兒子，她說：「嚟緊會去韓國，天明、奶奶同大仁去見吓太婆，奶奶之後就會留喺韓國，咁第日我就要全力湊仔。」家蔚又大讚老公天明是個細心爸爸，她說：「佢已經幫個仔辦好晒護照、回鄉證，可能諗住第日佢返大陸拍劇，我哋可以上去探佢啩。」講到首個屬於自己的母親節，她說：「天明約咗人飲茶，我阿媽又要去飲，都要約過第日再食飯補祝。」

至於名模Lisa S.也提前感受做媽咪，她與吳彥祖的愛情結晶品將快出生，Lisa近日腹大便便出席飲宴，席間更拿着模擬「尿片」作狀吃，母愛氾濫得不可收拾。

文：專案組