Cara G.夫妻小別急造人

剛為人妻的混血索模Cara G.，昨日與模特兒Jocelyn出席全新保時捷Cayman活動，Cara被問到可有造人好消息？她坦言未成功，笑言：「過兩日要去米蘭做嘢，仲有兩日時間可以努力！」她還表示剛從紐約試鏡回來，透露在當地吃喝玩樂，非常高興：「如果簽證批咗，會去紐約兩個月，（老公會陪同嗎？）唔會，佢過兩日都要去馬來西亞拍電視節目，我戥佢高興，有個咁難得嘅工作機會！」兩個月不見，問會否擔心老公曳曳？Cara說：「我對佢好信任，而且佢拍嘢好忙，冇時間去玩。（第一次分開咁耐？）之前去倫敦做嘢都試過，（keep住通電？）我哋好怪o架，好少傾電話，不過成日以WhatsApp溝通，send相片互相分享。」