陳茵媺冧爆默認陳豪求緍
陳豪與陳茵媺拍拖兩年，屢傳婚訊，日前陳豪被指豪擲三千多萬買樓築愛巢，向來小鳥依人的陳茵媺，昨表示要第二個身份才會管男友財政，追問是否已求婚？她即甜笑默認：「呢啲唔應該問女仔。」看來二人好事近了！
無綫花旦陳茵媺（Aimee）昨日與李詩韻、黃浩然、陳展鵬、張國強、朱璇等，到長洲出席劇集《情越海岸線》宣傳活動。該劇將承接收視低迷的《神探高倫布》，Aimee表示不擔心收視，認為最緊要是觀眾口碑，亦不會與《神》劇比較。
撐男友可塑性高
提到男友陳豪買3,300萬元獨立屋跟她築愛巢，Aimee全程冧爆笑道：「唔知呀，咩都唔知呀！（佢承認咗但未落實。）我戥佢開心囉。（想配定鑰匙畀你做女主人？）唔知點答你。（你有份？）我咩都唔知。（期待？）Let it flow。」不過，她坦認對方有提及睇樓一事，但目前不會管男友的財政，她說：「做咩要管佢啲錢，都未去到嗰個位，要係第二個身份先得。」追問男友是否已向她求婚？Aimee則未有否認，並甜笑續謂：「有冇都唔話你知，而且唔應該問女仔。」至於陳豪有份參演的《金枝慾孽貳》收視低，Aimee直言剛從馬來西亞回來後喪瞓，稍後會追看撐男友，更大讚對方是個穩定、可塑性高的演員。
黃浩然細仔滿月
再度為人父的黃浩然則透露細仔Ransley昨日滿月，但只打算跟家人食飯，並強調不會追女，他解釋：「因為啲愛都唔知點分配。」而展鵬則力撐《神》劇：「劇集唔可以永遠係相同題材，所以今次都睇得出無綫想改變。」
文：影視組