文凱玲扮無知召男友
樣子甜美兼擁有33D「逼」爆上圍的文凱玲（Connie），理應不乏裙下之臣，偏偏Connie卻大呻「dry」到爆，單身逾三年都無人「吼」，全因性格太強悍，她決定要改變，變為「無知」及小鳥依人，更公開徵男友！
曾拍攝電影《喜愛夜蒲2》的文凱玲（Connie），經常在各大小活動中大騷33D人間「胸」器，得天獨厚的她可謂樣靚身材正，偏偏卻無仔埋身，單身的她坦言全因性格問題所致，她說：「我份人好男仔頭，又好獨立，咩都靠自己，身邊啲男仔friend都當我係男仔看待。我唔識得依靠人，可能因為喺屋企我係大家姐，兩個細佬妹都係我幫手湊大。不過依家我學緊有時有啲嘢要扮吓無知，小鳥依人啲，如果唔係我驚我識唔到男友！依家我想公開『徵男友』，幫我搵到一個啱feel嘅對象！」對於另一半的要求？她笑言：「最好外形同性格都Man啲，畀到多啲安全感我，就算我有幾獨立，都想有個可以依靠嘅人！」
計劃離港發展
入行前是空姐的Connie自言演技「半桶水」，為了爭取更多演出的機會，她更自掏腰包學做戲：「我知道自己嘅演技一般，因為始終半途出家，唔係讀演藝出身，所以我依家都有搵老師教我做戲，我好珍惜每一個嘅演出機會！之前我客串電影《黑色喜劇》同《溝女不離3兄弟》，依家亦傾緊幾部電影，如果傾得成，我就會去台灣或者內地拍電影。」
文、攝：李佩珊