張美妮 花六位數 預習造人

張美妮將於今年11月與未婚夫KK舉行婚宴，二人早前預支蜜月，與美妮的妹妹及妹夫到羅馬、米蘭及威尼斯等地旅行十多日，四人除四處觀光，亦勁掃名牌鞋、手錶及手袋。

影過千張相

美妮說此行豪花六位數購物，但掃得最多的是其未婚夫：「去到米蘭買得最多，佢買得多過我，買咗七對鞋，我買咗五對，6月中我哋會去巴黎影婚紗相，相信到時會再掃貨。」

與未婚夫、妹妹及妹夫一起遊意國的美妮，今次吃了不少美食。

美妮此行以「老公」來稱呼未婚夫ＫＫ。

以前經常拍攝旅遊節目的美妮，說最喜歡羅馬：「我同KK好鍾意啲古典、具藝術氣質嘅嘢，我今次買咗部新相機影相，影咗過千張，影到佢哋三個都嫌我煩。」美妮見妹妹及妹夫甜蜜非常，所以嘗試以「老公」來稱呼未婚夫，覺得很sweet：「初初拍拖時佢都叫過我老婆，但我冇理佢，佢見我冇反應，知我唔鍾意就冇再叫。（佢今次有乜反應？）佢冇表情，但嘴角有啲戚起。不過返到香港我又冇咁嗌佢，費事結婚時冇咗感覺。」

做圓潤新娘

問美妮今次有否洞房？她謂：「好甜蜜嘅事情都有做，都叫咗佢做老公啦，梗有設防。6月先影婚紗相，要keep住身形先，不過我又唔會過分減，圓圓哋有福氣啲，佢都鍾意我咁，所以我冇壓力。」美妮又指結完婚會去度蜜月，到時才不設防：「到時唔會去shopping嘅地方，會揀有陽光、海灘嘅，搵間舒服嘅酒店。」

文：影視組