高海寧黐脷筋挑戰子華
高海寧（高Ling）露事業線加大露背出席產品活動，身為代言人的糖妹即使又唱又賣口乖大讚品牌，風頭仍給比下去。高Ling表示不介意趁夏日騷身材，走比堅尼騷搵真銀，最近她忙於做足準備功夫「迎戰」黃子華。
高Ling昨以嘉賓身份出席品牌活動，剛於日本拍攝旅遊特輯而大破慳囊返港的她，穿上「戰利品」盡顯驕人身材，難怪身為品牌代言人的糖妹即場又唱又彈結他，兼大讚產品合用，仍不及高Ling「吸引」﹗談到夏天即將到臨，又是一眾女星被邀走比堅尼騷的時候，高Ling大方謂︰「好似有啲job都傾緊，行（三點式）騷都OK嘅。（同子華合作拍劇點？）依家都等緊通告，要睇熟劇本，今次個角色有啲特別。（黐脷筋？）類似啦，所以要練到神似啲，多謝監製畀呢個機會。」任何女星站在過瘦的子華身旁，都擔心變「大隻」，高Ling則大無畏表示﹕「唔擔心咁多，依家減都減唔切。」
陳智燊否認戀鍾嘉欣
而與鍾嘉欣傳緋聞的陳智燊（Jason）擔活動司儀，他否認與對方拍拖﹕「嗰張相係半年前大家做完宣傳，我載埋啲女拍檔離開時畀人影到嘅，當時唔止嘉欣一個，總之我哋係朋友囉，佢近排人氣咁勁。（嘉欣話唔知將來點，冇話排除同你發展喎。）唔係啩，我都要睇番報道先，可能唔係佢講嘅，我淨係覺得自己啲緋聞，全部都係合作過嘅女藝人。」他又謂刻下會寄情工作，感情事暫時擱置。
而糖妹則透露最近驛馬星動，將代表無綫出訪三個地方拍節目，首站是澳洲，她打算在當地為月尾牛一的拍檔糖兄選購生日禮物，給對方一個驚喜。
文：影視組