梁安琪發揚搖滾精神

前DJ梁安琪昨日以活動監製身份出席《搖擺天使勁Band音樂節》發布會，並邀得音樂節的評判團太極樂隊成員鄧建明、雷有輝及亞洲鼓王Donald Ashley等撐場。梁安琪希望可透過比賽，發掘本地樂隊新勢力：「依家興懷舊，我見搖滾音樂冇人做，自己又開咗間公司，所以帶頭推動樂壇。」

梁安琪雖首次落手落腳搞比賽，不過她表示過程非常順利：「我聽人講伊館好難申請場地，但我申請又好快批咗。今次勝出嘅樂隊，我同Donald會去培訓佢哋，幫佢哋出碟，將搖滾音樂繼續薪火相傳。」