天明兩年後追個女
藝人洪天明和老婆周家蔚前晚為仔仔洪大仁（TJ）在上環一所酒家舉辦百日宴，爺爺洪金寶、黃日華、苗僑偉夫婦、錢嘉樂夫婦等均有出席。至晚上11點半，天明和家蔚手拖手再次接受傳媒訪問，天明大讚囝囝表現乖巧，面對近百親友也毫不怯場：「佢好少見咁多人，個個抱嚟抱去，佢冇扭計又冇喊！」他又大爆家蔚妒忌自己可以跟囝囝穿父子裝：「佢唔開心呀，佢都想同個女打扮，希望過多兩年生多個！（點安慰老婆？）送全世界最好嘅男人畀佢（指自己）！」認真骨痺！面紅紅的天明亦坦言朋友多，難免飲多幾杯。
家蔚則透露TJ在出生96日便懂轉身，照片中，看到TJ面向床褥，雙手撳床，雙腳飛起，十足之前勁hit的飄浮照片，連苗僑偉也笑言TJ懂蜈蚣彈，盡得爺爺遺傳。