軒仔認簽英皇東山再起
張敬軒去年約滿環球唱片後，盛傳以千萬轉投英皇懷抱，但軒仔遲遲未公布去向，昨有消息指軒仔經理人開出4000萬連廣州錄音室的天價作「贖身費」，昨日軒仔接受電話訪問時，否認天價「贖身費」傳言：「冇聽過傳聞，流料一則。」他坦言曾跟契媽在音樂合約上有問題，但已和平解決，又指因契爺（牆紙大王陳鼎禮）曾對其音樂事業給予不少意見，才誤以為契爺是其經理人。
自認係乖馬騮
問到傳其身價高達4000萬可感開心？軒仔卻說：「唔開心喎，我淨喺錄音室就已經投資咗5000萬港幣，雖然我唔係識生金蛋嘅鵝，但我都唔係新人，勝在夠聽話，係一隻乖馬騮。」問到何時公布新東家？軒仔終於首度承認：「我係即將簽約英皇，簽英皇嘅原因唔係錢，係楊（受成）先生嘅十足誠意。」
感激楊生慧眼
軒仔感激英皇老闆楊受成慧眼，自06年開鈶，已經力邀加盟，最令他感動是：「我近年放咗好多時間喺投資錄音室，少咗出現幕前，冇當年唱《酷愛》時咁紅，但楊生依然搵我。」他拒絕透露轉會金額，只說是「開心價」，更寄望加盟英皇後可以在內地東山再起：「我係大陸人，曾經都係大陸紅過，嚟咗香港發展之後，失去咗好多機會，希望簽英皇之後可以有追番之前失去嘅嘢。」軒仔更向英皇大派定心丸，表示一定可以幫公司賺錢。
文：音樂組